7 خطوات هتقلل من مرتجعاتك في البيع اونلاين

استراتيجيات البيع اونلاين

7 خطوات هتقلل من مرتجعاتك في البيع اونلاين

egyshipper

لو عندك  Online store، اكيد بيواجهك مشكلة في نسبة المرتجعات، والنسبة دي بتتغير من مجال للتاني، لكن أوعدك إن الخطوات دي هتقللك نسبة مرتجعاتك اياً كانت ايه المشاكل اللي بتواجهك في البيع اونلاين، لإن الخطوات دي مجربة من ناس كتير  عندهم Online store زيك.

يا ريت تركز اوي ولو تعرف حد ممكن يستفيد من الكلام تشاركه بالمقال.
 

1-نبدأ من اول العميل اللي داخل يسأل:
اولاً لازم اللي قاعد بيرد ميكنش حافظ ردود وخلاص، ويعرف العميل بيسأل علي اي منتج بالظبط عشان يعرف يجاوبه علي كل الأسئلة.
وإتكلمنا في المقال اللي فات عن المهارات اللي لازم تكون متوفرة عند الشخص ده.


اقراه كويس عشان تفهم المقال ده بيتكلم عن ايه.
اقرا ايضا :  9 حاجات ممكن تاثر علي مبيعاتك اونلاين

2-حاول علي قد ما تقدر تاخد البيانات كاملة وواضحة:
مثال: الأسم: يفضل يكون ثلاثي.
العنوان: يفضل يكون (رقم الشقه – الدور – رقم المنزل – اسم الشارع – علامة مميزة زى ( مسجد – صيدلية مدرسة  – متفرع من – المنطقه – المحافظة).

طبعاً مش كل العملاء هتديك البيانات دي بس لو عرفتها هيكون كويس اوي عليك وعلي شركة الشحن اللي بتتعامل معاها، بس مفيش مانع إنه لو مبعتش العنوان مفصل بالشكل ده إنك تاخد منه الأوردر يعني.

وإبعتله رساله تأكيد بالبيانات عشان ممكن يكون كاتب حاجه غلط.

3-راجع كويس اوي علي المنتج وانت بتحضره.

وإتأكد إن ده المنتج المطلوب، وإنه مفيهوش اي عيب


4- كلم العميل Phone:
طيب ليه اكلمه ما انا مأكد عليه شات؟

دا لإن ممكن في تفاصيل زيادة تاخدها منه، وتتأكد من جدية إنه بيطلب اوردر بجد مش داخل يطلب اوردر Fake ويتعبك معاه.

كمان تقدر تاخد منه العنوان بشكل مفصل اكتر عن طريق الـ Phone

5-ركز وانت بتكتب البيانات:
لو بتتعامل مع شركة شحن بتسلمك بوالص الشحن عشان تكتب فيها الأوردر، اتأكد إنك كاتب البيانات صح وميكونش في غلط في اي حاجه زي رقم التيلفون مثلاً او سعر الشحنة.

ويستحسن إنك تتعامل مع شركه شحن عندها  Online system تقدر تسجل عليه بيانات الأوردر وتتابع حالته في اي وقت.

لو بتدور علي شركة شحن عندها Online system تقدر تدخل بيانات الأوردر عليه وتتابع الاوردر في اي وقت وده اللي بنوفرهولك في شركة ايجي شيبر للشحن.__

6-خليك في تواصل دايماً مع الـ Account Manager داخل شركة الشحن:

عشان لو في اي مشكلة تبلغه بيها او يبلغك بيها وتتجنب إن الأوردر يرجع، وده لو مش بيحصل لازم تدور علي شركة شحن تكون بتوفرلك Account Manager تقدر تكلمه في اي وقت عشان.

ودة بنوفره لعملائنا في Egyshipper للشحن داخل القاهرة والجيزة ومحافظات مصر.

7-اهم حاجه الـ Data هي الكنز بالنسبالك:

يستحسن إنك تشتغل علي System ليك إنت، لو معندكش System ممكن في اللي جاي نشرح إزاي تشتغل علي إكسيل شيت وتطلع منه Reports مهمة جدًا، وتستفيد من الـ Reports دي إزاي.

مثال:

1- اكتر ناس بتشتري منك، وتعلمهم كـ VIP Customer تستفيد منهم فيما بعد، إنك تبعت لهم عروض مثلاً علي الواتساب.

2- إنك تعمل Search علطول علي اي عميل يطلعلك في ثانيه لو عنده مشكلة تعرف كان طالب ايه وامتي، بدل ما تروح تراجع كل الشات بينك وبين العميل.

3- إنك تشوف اخر الشهر طلعت كام اوردر ناجح، وكام مرتجع، واللي إترحل للشهر اللي بعده، وهكذا.

ومن خلال الـ Reports دي هتقدر تاخد قرارات تزود بيها مبيعاتك.

موضوع الـ Data ده مهم اوي في التعامل مع شركا ت الشحن
لو مهتم قولنا وهنشرح الكلام ده بالتفصيل في مقالة لوحده.

تواصل معنا

Tags